Pasasalamat sa biyayang natanggap

Tunay na dakila at kahanga-hanga
Yaring pagkuha ng kailangang visa
'Di mo sukat akalain, na ika'y pagpalain
Nitong Diyos na laging sumasa-atin

Lubos na pananalig, sapat na pagtitiwala
Walang agam-agam, pangako Nya'y laan
Pagtawag sa Kanya, sa pananalangin ay dala
Kasagutan nya sa mga anak nya, tyak ay sobra-sobra

Lagi kong dinadalangin, na ako'y pagpalain
Sa lahat ng aking lakad, patnubay nyang ganap
Pagsubaybay sa lahat ng aking mga mithiin
Pangako nya sa akin, ako ay pagpapalain

Panay-panay ang dalangin, sa US Embassy na tatahakin
Mula sa embahada, mga consul na kakausapin
Maging alerto sa lahat, ng mga alituntunin
Upang maging maayos, sa prosesong gagawin

Sa mga katanungan, na konsul na kaharap
Pagsasagot nga katotohanan, walang pag-aalinlangan
Salamat sa katalinuhan, English ay nagsasalimbawan
Maraming katanungan, sagot ay laging laan

At sa katapos-tapusan, ako ay nabigla
Dahil nga sa visang aking inaaplayan
Mula sa C1D, ang sabi nya'y aking kailangan
B1 Visa ang dapat, at ito'y iyong matatanggap

At sa aking pagtalikod, panay panay ang pasasalamat
Higit sa aking inaasahan, sobra ang nakamtan
Tumawag kanina ang pinaglilingkurang ahensya
Pasasalamat na pinagkaloob, limang taon ang bisa

The BEST OF THE YEAR 2010

Isinulat ko ang tulang ito isang taon na ang nakaraan at muli ko syang natagpuan
Kaya't muling isasaysay, sa mambabasa'y may kapulutan
Itong pangyayari sa aking buhay na hindi dapat pagsisihan


the Lord has done great things and we rejoice... Psalms 126:3


Pagpupuri, pagdakila sa Diyos na mapagpala
Pagsamba, pagluwalhati, aking laging itatangi
Pasasalamat na mabuti, isasaysay iyong pagkandili
Mapapurihan at maitaas, Banal mong Pangalan hanggang wakas

Mula ng ako'y umuwi, galing sa Bansang Qatar
Mga plano ng Diyos sa akin hindi ko pa alam
Nakaranas ng matagal, trabahong hinihintay
Paghihintay, paghihintay hanggang kelan magtatagal

Mula Oktubre 2009, hanggang Agosto ng taong kasalukuyan
Maraming karanasan, aking napagdaanan
Nag-aaral ng kung ano-ano, dagdag kaalaman
Pinasok ang Edukasyon mga training na laan

Matapos ang summer class, trabaho sa Dubai'y nagbukas
Inayos mga papeles, excited na muling lumabas
Paghihintay sa kainipan, meron palang dahilan
Isang bagong oportunidad, na wala sa aking hinagap

Di' ko sukat akalain, Diyos ko'y may tanging hain
Isang kakaibang trabaho ang maglibot ng mundo
Ngunit kailangang makapasa sa interview ng kumpanya
Mula sa Scotland, English ko'y muling susubukan

Dumating ang araw, tatlo kaming isasaklang
Mga bigating aplikante, kailanga'y maging diskarte
Ngunit walang imposible, sa Diyos na mabuti
Alam nya kung kanino ibibigay ang trabaho

Panibagong simula, panibagong kabanata
Mula sa panlupa, sa karagatan naman magsisimula
Mula sa Asia, Middle East at Europa
Napuntahan ang South America, isasaysay kadakilaan nya

Sa mga bansang napuntahan, dala-dala'y kagalakan
Mga kakaibang karanasan, sabi nga'y pang mayaman lamang
Mga Five Star hotel na pinasukan, mga lugar ginalaan
Nasa tanang aking buhay, hindi ko pa naranasan

Ang mga nais ng puso ko, at mga panalangin ko
na malibot ang mundo ay unti-unti ngang pinagkakaloob mo
Pananangan sa iyong kapangyarihan, paghihintay ay kailangan
Sa tamang panaho'y ibibigay, kung lagi nga sa 'yo mananangan

Sa kabila ng tagumpay at mga pagpapalang taglay
Problema sa buhay aking naranasan
Mga plano ng Diyos sa akin di ko dapat madaliin
Pag-aasawa'y di biro at hindi dapat nilalaro

Humihingi ng kapatawaran ang mga naging pagkukulang
Mga pansariling nais ang resulta'y nakakainis
Nawala sa ministeryo upang aking mapagtanto
Katulad ni Apostol Pablo, iyon pala ang iyong plano?

Kaya't sa aking pag-iisa ay iyo ngang ipinakita
Walang problemang mararanasan, kung ikaw ay laging titingnan
Hindi pa huli ang lahat, problema sa iyo ay iniiyak
Maging maayos ang lahat at kaligayaha'y maging ganap

Inihingi ng tawad sa 'yo unang isiniwalat
Pagkakamali'y pwedeng ayusin hangga't maaga'y gawin
Akin na ngang inihayag sa balana ay nag-ulat
Desisyong aking ginawa, hiling ko'y pang-unawa

Tuna'y ngang kay Dakila, pagpapatawad mong gantingpala
Sa kabila ng nagawa, trabaho ko'y iyong pinagpala
Pangako mo sa akin, sa Genesis 12 aking ididiin
"Ang sa iyo'y magpala ay akin ding pagpapalain"

Kaya naman sa aking tinatangkilik, ika-sampung bahagi'y ibabalik
Patuloy mong palaguin, kaban ng yama'y punuin
Maging daluyan ng pagpapala at makatulong sa kapwa
Maging mabuting katiwala, sa binigay mong pagpapala

Kayo'y aking hinahamon, kaya nyo ring gawin
Bigyan ka ng sampung libo, isang-daan ipagkaloob mo
Maliit pa lang ang perang iyon at kung kaya pa natin
Bigyan ka ng limang libo, limang daan ang ibigay mo

Kung mananatili tayong tapat, hindi lang 'yon sapat
bibigyan ka ng limampung libo - limang libo ang ipagkaloob mo
Paano kung isang daang-libo at kalahating milyon ang dumating sa 'yo
Kaya mo pa bang ibigay para sa Diyos mo?

Paalam na...

Sa aming paglisan dito sa United Kingdom

Sa huling pagsakay sa barkong sinasakyan

Ako’y naging mabunga, mapagpala’t masaya

Sa isang taong pagtatrabaho sa minamahal kong barko

Kaya’t ikaw ay lilisan, papuntang Gitnang Silangan

Sa bagong pamamahala, sa mga bagong mukha

Patuloy kang gamitin, sa kanila’y pagpapala rin

Dalawangpu’t pitong taong din, sa UK ika’y nagmagaling

Kaya’t kami’y magpapaalam na, muling babalik sa mga ahensya

Damdaming nadarama may lungkot at saya

Di mapigilan ang luha at ito’y pumapatak na

O Alliance, O Alliance, minahal ka namin sa twina

Pasko ng OFW

 

Pasko na naman, ang mga OFW ay mag uuwian

Upang makapiling, kanilang mahal sa buhay

Maraming mga pasalubong, sa kanila ay laan

Pabango, laruan, at ibat-ibang gamit sa bahay

Inyo ngang makikita, mababanaag sa kanilang mata
May tuwa at saya at may sobrang excited pa
Ito nga ang panahon na kung saan nagtitipon

Ang Tatay, Nanay, si Ate at Kuya pati si Lolo at Lola

Anong tuwa’t anong saya, pagdating sa NAIA

Umaatikabong palakpakan sa eroplano’y naghihiyawan

Hindi mo maikakaila, ang kasayahan ng Madla

Problema ma’y dumating sa Pasko’y walang makakapigil

At sa terminal ng NAIA, pasko nga ay mababanaag na

May bandang naghihintay, awit ng Paskoy nagsasalimbayan
At sa iyong paglabas, ang mga mata mo’y naghahahanap
Pamilyang kumakaway sa dako pa roo’y naghihintay

Kumpleto na naman ang pamilya, sa ganitong okasyong masaya
Naghahanda para sa Noche Buena, masasarap na pagkai’y dala

Pagbibigayan ng regalo ang susunod na eksena

Bukas dito bukas doon, may monito-monita pa

Ngunit huwag nating kalilimutan, ang Mensahe ng Kapaskuhan

Kapanganakan ni Hesus doon sa abang sabsaban

Ipinadala ng Dios Ama upang atin ngang makita

Pagmamahal sa balana, sa Krus ay nagdusa

Pagbibigayan at pagmamahalan sa OFW ay kakitaan

Hindi lang pera-pera ang maging hangad sa twina

Pagtulong sa kapwa, sa mga nangangailangan ay handa ka

Upang lalo mong makamtan, Pasko ng puso’y anong yaman

Wanted: Friends

Qualifications: One of the following:

He/she should loves to cook, bake,

prepares juices and other drinks...

He/she should have time for

running/jogging in morning/evening

and joins fun run/marathon...

         He/she should love taking photographs and

loves to shoot, have time to go out to shoot for any topic...

He/she should love plants, likes  gardening...

He/she should be adventurous, out goer,  loves to travel anywhere (kkb)...

He/she should be a blogger,

knows anything when it comes to blogging...

tulad ni Pablong makatat manunulat (http://pablongmakatatmanunulat.blogspot.com)

at si pinoy sa earth (http://pinoysaearth.blogspot.com)

 

Ay hindi ko po sinasabing wala kayong ginagawa (lol!) hindi naman po dapat lahat alam nyo hehe one of those lang na pwede kong kasama sa shooting, sa pagluluto, sa galaan, etc. etc. matagal ang bakasyon ko ngayon yahooo

HIRAP NG MARINO

By Nepthali Paraiso

Sa aming paglalayag sa malayong dagat

Parang nangawala mga tao sa barko

Dahil ba sa lakas, ng along sumasambulat

Sa aming barko, ang mga tao’y nahihilo

Lumabas ng Scotland, panaho’y ‘di kay inam

At sa pagdating ng lugar, agad masimulan

Kaya naman lahat kami’y, animo’y nagkasakit

Nagsusuka, nahihilo, nagtulog sa kanya kanyang kwarto

Kaya’t inyong mapapapansin sa messhall namin

Sobrang daming pagkain, kakonti lang ng kumain

Garlic bread at spaghetti na aking kinain

Sa kinahapunan ay isinuka rin

Buti pa ang iba’y may panahong umidlip

Di ko naman maiwanan, itong opisinang pinagbilinan

Maging ang aking kwarto, ngayo’y may kasama na ako

Siyang natutulog at panggabi sa trabaho

Hindi na ko kumain, ng gabing iyon

Di mapalagay, hirap ang katawan

Kailangan ng lakas, kailangang lumaban

Kumain ng biscuit, konting ubas at tubig

Kaya’t ako’y dumalangin, kami’y pagpalain

Gabay at kalakasan, sa kinabukasan ay taglay

Panahon ay maging maayos, maging ang karagatan

Matapos ang proyekto ng walang peligro

Ang Aking Bakasyon

Nakaligtaan ko na ang pagtula

Kaya heto na naman si Pablong Makata

Nagpipilit mag-isip kung anong ilalathala

Upang ang mambabasa’y muling matuwa

Siguro’y ikukuwento ang panahon ko sa trabaho

Apat na buwang nagtrabaho, bakasyo’y dalawang lingo

Ngunit laking pasasalamat, sa mababait kong amo

Muli kong nasilayan ang mahal kong bayan

Ang totoong kontrata’y dalawang buwan lamang

Dagdag na dalawang buwan, kahilinga’y napagbigyan

Nabagot na rin ako, nainip sa barko

Ginawa kong dahilan, bakasyon ng nanay

Mahaba-habang kwentuhan aking isasalaysay

Mula sa paglisan sa barkong sinasakyan

Dumating ang karelyebo para sa dalawang lingo

Kulang ang panahon, sa pagbibigay ng instruksyon

Kung ako rin ang nasa kalagayan, at ako’y bago lamang

Di man maintindihan at talagang mangangapa lamang

Hindi naman masyadong, kumplikado ang trabaho

Kaalaman sa computer at madali kang matututo

Nagmamadaling lumisan, hindi na nga nakapagpaalam

Ang taxi’y naghihintay, papunta sa hotel natutuluyan

Napakagandang pagmasdan, nitong lsla ng Shetland

Puro kabundukan, walang punong masisilungan

Kaya’t malaking katanungan sa isip kong naglabasan

Wala ni isang puno, ni isa’y walang matanaw

Sa pagtatanong ay nalamang, kaya pala ganon na lamang

Laging malakas ang hangin, sobrang lamig sa kapaligiran

Kaya’t aking natatanaw, mga puti sa kabundukan

Maraming naglipanang, mga tupang inaalagaan

Nakarating sa tutuluyang hotel na paglalagakan

Kay linis at kay ganda, isang gabi rin at aalis na

At sa kinabukasan sa airport na pupuntahan

Isang oras ding naglakbay, sa dami ng kabundukan

 Ako ay napatawa ng airport ay malapit na

Nag cross ang sasakyan sa daanan ng paliparan

Kami lang ng kasama ko, ano’t walang katao-tao

Maya maya pa’y nagdatingan mga pasaherong magsasakayan

Kami ay sinabihan baka dalahin ay maiwan

Dalawang kahon namin sa Maynila na kukuhanin

Kasi naman ang sasakyan, chartered airplane lamang

Maliit na eroplano konti lang ang pasahero

Di kayang dalhin sobrang bigat ng dalahin

Hindi na namin nakita, bagahe naming sa Edinburgh*

Mula sa pandaigdigang, paliparan ng Scotland

Muli kaming maglalakbay, papunta sa Amsterdam

At ng ang eroplano’y mag touch down, sa lugar ng Netherlands

Sobrang laki ng airport, sala-salabat ang mga roads

Halos tatlumpong minuto, bago nakarating sa airport mismo

Koneksyon ng susunod na eroplano, mukhang kami’y mapepeligro

Kaya’t ako’y nag-alinlangan sa katabi’y nagtanong  na lang

Wala palang palugit na oras, pagkababa’y magtatakbuhan

Sa aming pagtakbo, na halos dalawang kilometro

Sobrang laki ng paliparan, grabeng pagod ang naranasan

Ang ng makarating sa pintuan, ng gate na sasakyan

Sobrang daming pinoy, nakahanda ng lumulan

Kung hindi kami tumakbo, at parang holdaper sa kanto

Malamang maiiwan, ng eroplanong sasakyan

Sa madaling salita, nakarating ng Maynila

Muli kong nasilayan ang aking magandang Bayan

At sa aming paghihintay ng bagaheng naiwan

Kami na lang ang natira ngunit ang bagahe’y wala pa

Nagpunta sa complaint center, ng eroplanong KLM

Maya-maya pa’y lumabas na lungkot ang dala-dala

Kasi naman andon, ang lahat ng mga pasalubong

Mga damit, tsokolate, mga bag at kung ano-ano

At sa aking pananghalian, na miss kong mga ulam

Mangga at bagoong, at Pritong tilapia na sinawsaw sa suka

Panahon ng tag-ulan, mga araw na nagdaan

Dalawang bagyong dumating aking nasaksihan

Sa aking pagpunta ng isang araw sa opisina

Inabutan ng pagbaha kailangang lumusong walang magagawa

Inayos mga papeles nag renew ng mga gamit

Kumuha ng UK visa, para sa panibagong kontrata

Kulang na kulang nga, aking panahon sa Maynila

Sa pamilya’t mga kaibigan, mga ka tropa’t kakilala

Kailangan ng bumalik, tapos na ang dalawalang linggong palugit

Ang karelyebo kong ka opisina ay sa kabilang barko pupunta

Muli ngang naglakbay ng halos dalawang araw

At muli kong nasilayan ang barko kong minamahal